FALALAR BIN IYAYE //006//

-

BIYAYYA GA IYAYE.

Cikin Alƙur'ani mai girma, akwai ayoyi masu kira zuwa bautar Allah shi kaɗai amma a haɗe da kyautata wa iyaye, daga cikinsu akwai inda Allah (S.W.T) Yake cewa:

"Ku bautawa Allah kada ku hada wani da Allah kuma ku kyautata ga iyaye".

Suratun: Nisa'i, Ayah: (36).

A nan Allah (S.W.T) Ya nuna mana ibada ba ta karɓuwa sai da biyayya ga iyaye, shi ya sa Manzon Allah (S.A.W) ya ce a cikin Hadisin da Amru ɗan Aljuhani ya ce:

Haƙiƙa wani mutum yazo wajen Manzon Allah (S.A.W) ya ce: Ya Manzon Allah (S.A.W) na shaida haƙiƙa babu abin bautawa da gaskiya sai Allah kuma kai Manzon Allah ne. Na yi salloli biyar na ba da zakkar dukiyata, na yi Azumin watan Ramadan. Sai Manzon Allah (S.A.W) ya ce  wanda duk ya mutu a kan wannan yana tare da Annabawa, da Siddiƙai da shahidai ranar Alƙiyamah. Haka sai Annabi ya haɗa yatsun sa biyu kuma ya ce matuƙar bai saɓa wa iyayensa ba. (Imamu Ahmad da Ɗabarani suka rawaito da dangane mai kyau).

Wannan Hadisi yana nuna mana duk biyayyar da za ka yi wa Allah (S.W.T) ba za ka sami amfaninta ba matuƙar kana saɓa wa iyayenka. Haka ma babu yadda imani zai zauna a zuciya matuƙar ana saɓa wa iyaye, kuma su iyayen fa ba lalle ne su zama Musulmi ba, sai fa in sun neme ka ne da saɓawa Allah (S.W.T) to anan ba za ka bi su ba.

Mu haɗu a rubutu na gaba!

Daga: Littafin Falalar bin iyaye da hatsarin saɓa musu, wallafar Ustaz Tijjani Bala ƙalarawi.

Rubutawa: ✍️
Muhammad Abdulrahman Rano

Comments

Post a Comment

Popular posts from this blog

Abubuwan da ya kamata ku sani kan dokar ba wa ɗalibai bashin karatu a Najeriya

-
Image
  Shugaban Najeriya Bola Ahmed Tinubu ya saka wa dokar bai wa daliban kasar na manyan makaratun da suka fito daga gidajen masu karamin karfi damar samun rancen karatu maras ruwa daga gidauniyar bayar da bashin karatu ta kasar. A watan Nuwamban shekarar da ta wuce ne majalisar dokokin kasar ta amince da kudurin dokar, da ke neman kafa wata gidanauniyar za ta rika ba daliban manyan makarantun kasar bashin kudin makaranta. Sabuwar dokar dai ita ce irinta ta farko a Najeriya kuma in ji Shugaban ma’aikata na Fadar Shugaban Kasar Femi Gbajabiamila, wanda shi ne ya kawo kudurin dokar lokacin yana kakakin majalisa, za ta inganta kasar domin babu wani yaron Najeriya da za a hana wa damar samun ilmi mai zurfi saboda rashin kudi. Gabanin fito da wannan dokar dai, bankuna a kasar kan bayar da bashin kudin karatu ne ga iyayen yara ko shi ma da tsauraran sharudda da kuma takaitaccen lokacin biya. Da yawa dalibai masu rangwamen gata a kasar kan jingine karatu mai zurfi saboda rashin kudi ko kuma ...
Read more

Dangane da Schorlarship ɗin gwamnatin jihar Kano

-
Image
   A safiyar yau, 16/05/23 Gwamnatin Kano ta fitar da sanarwar fara scholarship zuwa ƙasashen ƙetare na ɗalibai masu First Class. Idan ba'a manta ba,  wannan yana daga alqawarurrukan da gwamnatin ta ɗauka lokacin yaƙin neman zaɓe.  SHARUƊAN DA AKE BUKATA MAI NEMA YA CIKA SUNE: —Ya kasance mai nema cikakken ɗan jihar Kano ne —Ya kasance ya gama digiri da First Class a jami'ar da take shaidar tantancewa a hukumance.  —Ya kasance mai ƙoshin lafiya ABUBUWAN DA AKE BUƘATA SUN HADA DA:  —Shaidar zama ɗan jihar Kano —Takardar haihuwa —Shaidar gama makarantar firamare —Shaidar kammala jarabawar sakandare (WASC/GCE/SSCE)  —Shaidar gama digiri mai ɗauke da First Class.  —Transcript da makamantansu Za'a kai waɗannan takardu ne sakatariyar tantancewa dake tsohon dakin taro na ofishin sakataren Gwamnatin Kano kan titin Wudil Road.  A kula: KADA A WUCE SATI 2 BAA KAI WADANNAN TAKARDU BA.  Akwai website da mai nema zai shiga ya cike bayanan sa wato; ...
Read more

TARIHIN HITLER (08)

-
Image
 BARAZANAR KISA DA AKAYI MA HITLER.  Tabbas Hitler ya fuskanci barazanar kisa abunda ake kira (Assasination) A Tarihi shine mutun mafi tsallake ma hare-hare ba tare da anyi nasara Akan Shi ba, qasashen England, America sun yi ta amfani da Baragurbi cikin qasar Germany Wanda acikin sojojin Hitler manyan Generals din sa an samu dayawa da yunqurin kashe Hitler aloqacin,  Adolf Hitler ya tsallake Hari Mai muni daya Bayan daya Har Hari 40 Arba'in.  Akwai loqacin da suna cikin Tattaunawa kawai aka jefo qaramin Bomb na Hannu wato (Hand Grenade)  Bomb din ya tashi amma Hitler ya tsira a qarqashin Teburin Tattaunawa, inda wadanda yake Tattaunawa dasu duka suka mutu! Wanda duk loqacin da akayi yunqurin kisan Hitler jami'an sa na sirri (SS) zasuyi bincike su Gano wadanda suka kitsa sharrin, Idan ya kama Sojan sa da laifi Bindiga ake ba Sojan ya harbi kanshi, ko Kuma asaka mashi rigar Bomb ta tashi dashi, akalla a Qididdigar da akayi Saidai ya kashe Generals din Shi fiye da...
Read more